Rayon Sports vs Mukura Victory Sports

Rayon Sports 1-2 Mukura Victory Sports

Uko umukino uri kugenda

Umwanditsi

: Eric Tony Ukurikiyimfura

Amafoto

: Usanase Anitha

17:27

Mukura Victory Sports yegukanye irushanwa ry'Agaciro 2019

Mukura Victory Sports yegukanye irushanwa ry'Agaciro Cup 2019 itsinze Rayon Sports ibitego 2-1 ku mukino wa nyuma waberaga kuri Stade Amahoro i Remera.

Rayon Sports ni yo yari yaratwaye iri rushanwa mu nshuro ebyiri ziheruka.

Mukura Victory Sports yahawe miliyoni eshatu n’igikombe, Rayon Sports ihabwa miliyoni 1,500,000 Frw.

Police FC yatsinze APR FC igitego 1-0 cya Iyabivuze Osée ku mwanya wa gatatu, yahawe ibihumbi 500 Frw.

Umukinnyi w’irushanwa yabaye Munyakazi Youssuf ‘Lule’ ukina hagati muri Police FC.

Uwatsinze ibitego byinshi yabaye Samuel Chukwudi Nwosu wa Mukura Victory Sports, watsinze ibitego bibiri.

17:25

Umukino urarangiye

17:24

90+5' Ikarita y'umuhondo

Senzira Mansour wa Mukura ahawe ikarita y'umuhondo kubera kuburana ku musifuzi.

17:23

90+4' Gusatira kwa Mukura

Mutabazi Hakim acomekewe umupira mwiza na Duhayindavyi Gael, ashatse kuroba umunyezamu Kimenyi Yves, abakinnyi ba Rayon Sports barahagoboka, bamuteresha nabi.

17:19

90+1' Ikarita y'umuhondo

Bikorimana Gerard wari uryamye hasi avurwa, ahawe ikarita y'umuhondo nyuma y'uko Uwikunda Samuel we yabibonye nko gutinza umukino.

17:18

90' Iminota y'inyongera

Umusifuzi wa kane yerekanye iminota irindwi y'inyongera. Mukura Victory Sports iyoboye umukino n'ibitego 2-1.

17:13

84' Gusimbuza

Oumar Sidibe asimbuwe na Sekamana Maxime ku ruhande rwa Rayon Sports

17:11

83'

17:10

80' Gusatira kwa Rayon Sports

Iradukunda Eric ateye koruneri ikurwamo na Bikorimana Gerard mbere y'uko abakinnyi be batabara izamu. Umukino uhise uhagarara gato kuko uyu munyezamu agonganye na myugariro we.

17:06

77' Ikarita itukura

Ndizeye Innocent wa Mukura ahawe ikarita ya kabiri y'umuhondo nyuma yo gukinira nabi Nshimiyimana Amran.

17:01

74' Igikombe amakipe yombi ahanganiye

16:57

70' Ikarita itukura

Kapiteni wa Rayon Sports Rutanga Eric ahawe ikarita itukura nyuma yo kujya kuvugisha umusifuzi wo ku ruhande wari uvuze ko ari we urengeje umupira ubwo yari ahanganye na Rugirayabo Hassan,

16:53

65' Igitego cya Rayon Sports

Michael Sarpong atsindiye Rayon Sports kuri penaliti. Ateye ishoti rikomeye umunyezamu Bikorimana ntiyabasha kugera ku mupira.

16:51

65' Penaliti ya Rayon Sports

Michael Sarpong ahinduye umupira mu rubuga rw'amahina ufatwa na Habimana Hussein uteye umupira ugarurwa na Ngirimana Alex ariko ukubise ku kuboko. Ni penaliti ya Rayon Sports

16:45

56' Gusatira kwa Rayon Sports

Rayon Sports ibonye koruneri y'umupira wari utewe na Sarpong. Habimana Hussein agaruye umupira mu rubuga rw'amahina, Rugwiro akandagira Ngirimana Alex.

16:43

54' Igitego cya kabiri cya Mukura VS

Ndizeye Innocent acenze Iragire Saidi akomeza mu rubuga rw'amahina, aroba umunyezamu Kimenyi Yves. 2-0

16:40

51' Igitego cya Mukura VS

Nwosu Samuel Chukwudi afunguye amazamu ku ruhande rwa Mukura kuri penaliti ateye hejuru mu izamu.

16:39

50' Penaliti ya Mukura

Tuyishimire Eric ateye umupira ukomeye mu rubuga rw'amahina, ukorwa na Iragire Saidi n'ikiganza.

16:36

Abitabiriye uyu mukino bahawe ubutumwa bugamije gutera inkunga ikigega Agaciro

16:35

47' Ikarita y'umuhondo

Ku mupira we wa mbere, Habimana Hussein akiniye nabi Niyonkuru Ramadhan, ahabwa ikarita y'umuhondo.

16:35

Igice cya kabiri kiratangiye

Rayon Sports yongeye gutangira igice cya kabiri iri hejuru. Ibonye koruneri itewe na Iradukunda Eric, bagenzi be bananiwe kubyaza umusaruro ubu buryo.

16:33

Gusimbuza

Habimana Hussein asimbuye Iranzi Jean Claude naho Ulimwengu Jules asimbura Ciza Hussein

16:18

Igice cya mbere kirarangiye

16:17

44' Koruneri ya Rayon Sports

Iradukunda Eric yari ahanganiye umupira na Duhayindavyi Gael, uyu mukinnyi wa Mukura awushyira muri koruneri. Iranzi Jean Claude awusubije mu kibuga, Michael Sarpong ashyizeho umutwe, ujya hejuru y'izamu.

16:14

42' Umukino uhagaze gato

Rugwiro Herve aryamye hasi nyuma yo gukorwa mu jisho na Samuel Nwosu wa Mukura.

16:09

35' Rayon Sports iri kugerageza amashoti ya kure

Abakinnyi b'imbere ba Rayon Sports babuze aho bamenera mu bwugarizi bwa Mukura: Nshimiyimana Amran ateye ishoti rikomeye rinyuze ku ruhande rw'izamu mu gihe na Iranzi agerageje undi mupira ufashwe na Bikorimana Gerard.

16:06

32' Mukura ihushije uburyo bwiza

Ntwari Evode, Ndizeye Innocent na Tuyishimire Eric bakinnye neza ku ruhande rwa Mukura, ariko uyu wa nyuma ateye ishoti rishyirwa muri koruneri na Rugwiro Herve.

16:00

27' Ikarita y'umuhondo

Ndizeye Innocent ahawe ikarita y'umuhondo nyuma yo kwivumbura ku musifuzi Uwikunda Samuel uvuze ko yakiniye nabi umukinnyi wa Rayon Sports ubwo yari hamwe na Iragire na Rugwiro Herve.

15:58

24' Gusatira kwa Mukura

Niyonkuru Ramadhan azamukanye umupira mu rubuga rwa Rayon Sports, awutanze kuri Tuyishimire Eric akinira nabi Iragire Saidi.

15:54

20' Gusatira kwa Mukura

Tuyishimire Eric yinjiranye umupira mu rubuga rw'amahina, aragwa. Bamwe bibwiraga ko ari penaliti ariko Uwikunda Samuel avuga ko Rugwiro Herve ntacyo yatwaye uyu mukinnyi wa Mukura.

15:47

14' Coup-franc ya Mukura

Rutanga Eric akiniye nabi Ndizeye Innocent mu rubuga rwa Rayon Sports. Ikosa rihanwe na Duhayindavyi Gael, umupira ugeze kuri Kimenyi ubanza kumucika mbere yo kongera kuwisubiza.

15:44

11' Coup-franc ya Rayon Sports

Ndizeye Innocent akiniye nabi Iranzi Jean Claude, ikosa rihanwe na Rutanga Claude umupira ukurwaho na ba myugariro ba Mukura.

15:41

8' Gusatira kwa Mukura

Iragire Saidi atakaje umupira ufashwe na Samuel Chukwudi. Uyu rutahizamu ukomoka muri Nigeria ahise yirukanga asiga Rutanga, ku bw'amahirwe ya Rayon Sports agiye gushota, Rutanga ashyiraho ikirenge umupira ufatwa na Kimenyi Yves.

15:38

6' Koruneri ya Rayon Sports

Olih Jacques ahisemo gushyira umupira muri koruneri nyuma y'uko ari asatiriwe bikomeye na Michael Sarpong. Rayon Sports imaze kubona koruneri eshatu mu minota itandatu gusa kuva umukino utangiye. Ciza ateye uyu mupira, ukurwaho na Rugirayabo.

15:34

2' Rayon Sports itangiye isatira

Mukura Victory Sports itangiye ishyirwaho igitutu gikomeye na Rayon Sports. Ngirimana Alex ashyize umupira muri koruneri itewe na Ciza Hussein, Tuyishimire Eric 'Congolais' akiza izamu.

15:32

Umukino uratangiye

Uwikunda Samuel ni we uyoboye umukino wa nyuma w'Agaciro Cup 2019: Samuel Chukwudi waguzwe na Mukura arekuwe na Rayon Sports, ni we utanze umupira wa mbere kuri bagenzi be, basubiza inyuma.

15:23

Amakipe yombi yishyushya

15:20

Abakinnyi bitabajwe ku ruhande rwa Mukura VS

Umutoza Olivier Ovambe yitabaje abarimo:

Bikorimana Gerard
Rugirayabo Hassan
Ngirimana Alex
Senzira Mansour
Niyonkuru Ramadhan
Duhayindavyi Gael (c)
Ndizeye Innocent
Tuyishimire Eric
Ntwali Evode
Nwosu Chukwudi Samuel
Olih Jacques

15:15

Abakinnyi babanza ku ruhande rwa Rayon Sports

Umutoza Kayiranga Baptiste yitabaje:

Kimenyi Yves
Rutanga Eric (c)
Iradukunda Eric
Rugwiro Herve
Iragire Saidi
Nshimiyimana Imran
Bizimana Yannick
Ciza Hussein
Sarpong Michael
Omar Sidibe
Iranzi Jean Claude

15:10

Ikaze kuri Stade Amahoro i Remera

IGIHE ibahaye ikaze kuri Stade Amahoro i Remera hagiye kubera umukino wa nyuma w'irushanwa Agaciro Cup 2019 hagati ya Rayon Sports na Mukura Victory Sports.

Rayon Sports yageze ku mukino wa nyuma itsinze Police FC mu gihe Mukura yatsinze APR FC.

Police FC yegukanye umwanya wa gatatu itsinze APR FC igitego 1-0 mu mukino wabanje.

Umukino nyir'izina ni mukanya saa 15:30.